Skrining kancero e čučako

	Sar si ande Srbija
	Kancero e čučako si majsigutno bilačho tumori ke manušnja ande Srbija. Sajekh berš džike 4600 manušnja nasvavon, a 1600 merel katar kava nasvalipe. Jekh katar ohto manušnja ande pesko trajto nasvavol katar o kancero e čučako.

So si kancero e čučako?

Kancero e čučako si bilačhi gunka, savi ćerdolpe kana e vorte ćelije teljaren te siđarne butinpe thaj nasvaren o trujalno sasto mas e čučako, a pale kava vi aver kotora e truposko.

Kancero e čučako butimaske arakhadol ke majpurane manušnja saven:

• si majpašutne ande familije (dej, phen, bibi, mami) save sas nasvale katar kava nasvalipe;
• sas angluni menarha majsigo katar o 12. berš, a paluni sas len palo 50. berš;
• či bijandine jal sas len angluno bijanipe palo 30. berš e trajtosko;
• lungo vrjama penas e hormonsko terapija, alkoholi thaj tutuno;
• si majthulipo thaj nisosko truoposko aktivipe.

Kancero e čučako si o bilačho tumori, savo te arakhlape ande poteljarimaski faza šaj te sa sastarelpe. E Republika Srbija teljarda e programova palo sigutno arakhipe kancerosko e čučako, skrining mamografijava, savo si bipoćinimasko pale se manušnja purane katar 50. džikaj 69. berša.

So si skriningo?

O skriningo mothol katar o dićhope pe jakh saste manušnjengo, bi kolesko kaj naj simptomurja thaj nišani nasvalimasko, a savo šaj te sikavel e sigutne arlimata ando mas e čučako, kana si efikasno sastaripe čačimasko. 

So si mamografija?

Mamografija si rendgenosko dićhipo palo arakhipe arlimatengo ande čuči, save naštik te čoplinpe, jal te dićhenpe averčhande dićhipasa. Te o kancero e čučako arakhlape ande poteljarimaski faza, majbaro si šajipe palo sastaripe kana e hirurgijaće metodava, boldipe e trajtosko si sigutno, a džikaj o kvaliteto e trajtosko si majlačho, no ke manušnja ke save o nasvalipe arakhlape ande majpalutne faze.

Ande mamografija si cikne thaj carraškodaće inćarne strafina.

Sar ćerelpe e mamogafija? 

Majsigo no so ćerelape o mamografijako dićhipo či trubulas te prškolpe e dezodoransova, pudereja jal parfemova kaske  e kućinorra dićhonpe po snimko gajda kaj o radiologo naštik sar trubul te đinavel o mamografijako snimko. E mamografija ćerel snimko liduj čučengo thaj palo majbutipe e manušnjengo si bidukhako thaj harne trajil. 

Kaj šaj ćerelpe o skriningo e mamografijako?

E adresa tho telefoni e sastarne ćheresko kaj šaj te ćerelpe e mamografija lipardi si ando akharimasko lil savo aresel pe tumari ćhereski adresa.

Gođaverimata

• Maškar duj skriningurja trubun te ćeren rindoske dićhimata e čučengo ke tumaro sastarno jal korkorrutne dićhimava, jekhar ando čhon.
• Te dikhline kaj si po dićhipo arlino o barjaripe jećhe čučako, te haćardine e komburja ande čuči, arlipe e renkako tho arlipe e morćhaće čučako, inklistipe e limorrengo andar e gromulje - SIGO trubun te džan ke tumaro sastarno.   

Pale majbut informacije džan thaj pučen ande tumaro sastarimasko ćher